ФОТО+ВИДЕО | Најубавата жена на светот: Пет месеци сум трезна, порано не можев да се контролирам
Најубавата жена во светот, Бела Хадид оваа недела прослави пет месеци трезвеност со забава во Лас Вегас, пишува „Пејџ сикс“.
„Денеска славам пет месеци без алкохол“, напиша 26-годишната манекенка на Инстаграм, објавувајќи видео на кое танцува во казино.
Нешто подоцна, истото видео го објави и на платформата ТикТок, со опис „пет месеци без алкохол“. Фановите ја преплавија со охрабрувачки коментари на објавата, во кои ја искажаа својата среќа за пресвртницата во животот на познатата манекенка.
@babybella7775 months alcohol free♬ Unlock it x better off alone – roxi audios
Исто така, Хадид сподели и неколку фотографии и видеа кои го документираат нејзиното возбудливо патување во Лас Вегас, а на нејзините обожаватели особено им се допадна нејзиниот црвен фустан.
View this post on Instagram
Во јануари 2022 година, убавата манекенка откри дека шест месеци престанала да пие алкохол откако почувствувала дека не може да се контролира.
„Многу пиев. Сакав алкохол и дојдов до таа точка што почнав да откажувам ноќни излегувања бидејќи чувствував дека не можев да се контролирам“, сподели таа.
Хадид ја изрази својата желба да остане трезна во догледна иднина бидејќи откри дека избегнувањето алкохол е подобро за нејзиното ментално здравје. Таа престанала да пие и поради нејзиното физичко здравје, објаснувајќи дека нејзиниот лекар ѝ покажал снимки кои ги откриле негативните ефекти од пиењето врз мозокот.