Актерката Ребел Вилсон повторно стана мајка. Таа и нејзината сопруга Рамона Агрума добија второ дете,  ќерка по име Роуз Естел, пренесува „Пипл“. Вилсон ја сподели радосната вест на социјалните мрежи на 4 мај, објавувајќи фотографија од новороденчето, завиткано во ќебенце и со лента на главата.

„Горда сум што можам да го објавам раѓањето на нашата втора ќерка Роуз Естел! Каков прекрасен благослов е да имаме уште едно мало девојче!“, напиша таа.

Таа додаде дека нивното семејство сега брои четири члена и дека и двете се неизмерно благодарни и среќни. Парот веќе има ќерка, Ројс, а веста за втората бременост беше објавена во декември минатата година. Тогаш Агрума сподели фотографии и видеа со кои најави дека нивното семејство ќе се прошири.

Во едно интервју во јануари, Вилсон откри дека едвај чекала да добијат уште едно дете, но дека веста морала да ја сподели порано од планираното.

Таа низ шега објасни дека нивната ќерка Ројс постојано им кажувала на сите дека ќе добие сестра – од наставници до непознати луѓе – па затоа решила официјално да ја објави бременоста.

Ребел Вилсон и Рамона Агрума стапија во брак во 2024 година, а сега, со доаѓањето на нивната втора ќерка, започнуваат ново поглавје како четиричлено семејство.