Сем Асгари, поранешниот сопруг на Бритни Спирс, повторно е во центарот на вниманието, овојпат поради голите фотографии. Моделот и актер се разголил за насловната страница на декемвриското издание на магазинот „Плејгрл“ (Playgirl), покажувајќи го своето извајано тело во низа провокативни пози.

 

View this post on Instagram

 

A post shared by PLAYGIRL (@playgirl)

Снимките, објавени во средата, 10 декември, вклучуваат неколку верзии на насловната. На едната, Асгари позира целосно гол пред зеленило, додека стратегиски со пешкир го покрива интимното подрачје. Друга фотографија го прикажува на кауч, гол и со откопчани фармерки.

Во интервју за магазинот, Асгари зборуваше за својот брак со Бритни, истакнувајќи дека се држи до иранската поговорка дека никогаш не треба лошо да се зборува за оние со кои си делел леб.

„Затоа, секогаш сакам да го почитувам тоа“, објасни тој. „Секогаш ќе се држам до тоа и тоа ми е најважно.“

Тој додаде дека на бракот со Бритни гледа позитивно: „Најдобро што можете да направите е да го прославите минатото, да го цените и да не се оптеретувате со тоа што е завршено. Бидете среќни што тоа воопшто се случило“, рече Асгари.

Асгари ја запозна Спирс во 2016 година за време на снимањето на нејзиниот спот за песната „Slumber Party“. Се вериле во септември 2021, а се венчале следната година. Сепак, брачната среќа не траеше долго – веста за нивниот прекин беше објавена во јули 2023 година, по само една година брак, а разводот беше финализиран во мај 2024.

Претходно оваа година, самата Бритни зборуваше за бракот, наведувајќи дека ѝ помогнал да се справи со одвојувањето од синовите Џејден Џејмс и Шон Престон, кои ги има со поранешниот сопруг Кевин Федерлајн.

„Бев отсечена од повикување или праќање пораки и се сеќавам, во шок, дека мојот таен начин на преживување беше негирање и многу солзи. Страната е чудна, Сем и јас бевме во брак, но скоро изгледаше како лажна дистракција која ми помогна да се справам со тоа“, напиша пејачката на Инстаграм во август.

Два месеци подоцна, Асгари изјави дека тоа го смета за „голем комплимент“.

„А понекогаш, знаете, дистракциите можеме да ги претвориме во нешто прекрасно“, рече во октомври. Тој нагласи дека Бритни сака само најдоброто: „Сакам само најголема среќа за неа. Како што веќе реков, го славам минатото, и тоа е голем дел од мене, па мислам дека сè ќе ѝ оди добро.“

По разводот со Спирс, Асгари ја пронајде новата љубов со агентката за недвижности, Брук Ирвајн. Нивната врска ја потврдија во јануари, а во април  Асгари откри дека нивниот однос „не е за Холивуд“.

„Се работи за она што е навистина важно – да бидеш присутен, да бидеш во моментот и да ги поддржуваш другите кои прават истото“, објасни тој.