Поп-ѕвездата Џастин Бибер им даде на фановите поинаков, поинтимен поглед зад сцената од неговиот настап на фестивалот Коачела, споделувајќи серија фотографии на социјалните мрежи.

Меѓу највпечатливите моменти е фотографија од него и сопругата Хејли Бибер, на која парот разменува нежности зад сцената. На кадарот, Бибер ја прегрнува Хејли, додека таа му го држи лицето, во опуштена и романтична атмосфера.

Пејачот објави и фотографии од настапот, откривајќи дел од енергијата на концертот, но и дружењата зад сцената. Во објавите се гледа како свири гитара со пријатели, се релаксира и ужива во моментите далеку од публиката.

Настапот на Бибер беше обележан и со бројни изненадувања – на сцената му се придружија ѕвезди како Сиза, со која ја изведе песната „Snooze“, како и Били Ајлиш, која не ја криеше својата возбуда додека настапуваше со него.

Во еден од најемотивните моменти, Ајлиш клекна од возбуда на сцената додека Бибер ѝ ја пееше „One Less Lonely Girl“, хит од почетоците на неговата кариера.

Инаку, Џастин и Хејли, кои се во брак од 2018 година, го добија своето прво дете, Џек Блуз Бибер, во 2024 година, а малото момче оваа година имало можност да го гледа својот татко на сцената.

ВИДЕО | Колку пари добил Џастин Бибер за настапот на „Коачела“, прогласен за „најлош во историјата“?