Холивудската актерка Меган Фокс на Инстаграм повторно објави серија провокативни фотографии на кои позира во стил на „палава ученичка“. Но, она што привлече повеќе внимание од нејзиниот изглед е пораката во описот, која многумина ја протолкуваа како директен удар кон нејзиниот поранешен свршеник, Машин Ган Кели, пишува „Дејли мејл“.

„Двојно задоволство е да се измами измамникот“, напиша 39-годишната ѕвезда под фотографиите на кои позира со тарот карти, облечена во кратко зелено здолниште и бела кошула.

Проблеми со довербата и раскинување по неверство?

Оваа објава доаѓа во време на сè погласни гласини дека парот дефинитивно ставил крај на романсата во ноември минатата година. Извори блиски до актерката тврдат дека главната причина биле проблемите со довербата кои се појавиле додека Меган била бремена со нивната ќерка, Сага Блејд. Наводно, Фокс открила дека раперот се допишувал со други жени додека таа го чекала нивното прво заедничко дете.

Фокусот е на децата

Иако изворите велат дека романтичната врска е „завршена работа“, парот наводно останал во коректни односи единствено поради заедничкото родителство.

„Меган е фокусирана на своите четири деца и на бебето. Иако поминуваат време заедно како семејство, тие живеат во посебни домови и меѓу нив веќе нема ништо повеќе од пријателство“, изјавил извор за магазинот „Пипл“.

Актерката, која од бракот со Брајан Остин Грин ги има синовите Ноа, Боди и Џурни, моментално не бара нова љубов, но не е ниту целосно затворена за нова врска доколку таа се случи природно.