Македонската водителка Лила Филиповска, која изминативе недели престојува во САД, сподели нов момент од своето патување – средба со холивудскиот актер Ејдриен Броди.

Филиповска објави дека присуствувала на театарска претстава на Бродвеј, каде што Броди настапува во „Стравот од 13“ (The Fear of 13), остварување што го опиша како исклучително емотивно и интензивно. По завршувањето на претставата, таа имала можност и лично да се запознае со актерот и накратко да поразговара со него.

„Од сцената на Бродвеј до вистински момент со Ејдриен Броди… Њујорк е магија“, напиша таа, додавајќи дека уживала во секоја минута од изведбата.

Ејдриен Броди важи за еден од најценетите актери на својата генерација и е најмладиот добитник на Оскар за улогата во филмот „Пијанист“ (The Pianist), со што остави силен печат во светската кинематографија.

Инаку, Филиповска веќе извесно време престојува во Њујорк, од каде редовно споделува фотографии и впечатоци од најпознатите локации, опишувајќи го градот како вистинска филмска сцена.

ФОТО | Лила сподели нови детали од борбата со ракот: „Никогаш не верував…“