Американската компанија „Мател“, чија најпозната марка е куклата Барби, се вклучи во прославата на историскиот платинест јубилеј на британската кралица Елизабета Втора, правејќи почесна кукла по моделот на нејзиниот лик.

Барби креирана по моделот на британската кралица во продажба е пуштена денеска, на 96-тиот роденден на кралицата.

 

View this post on Instagram

 

A post shared by Royal Families ? (@royalfamilyportraits)

Куклата е облечена во елегантен фустан со боја на слонова коска со сина лента украсена со кралски ордени.

Главата на куклата е украсена со дијадема направена според онаа кој припаѓала на кралицата Мери, а Елизабета ја носела на денот на венчавката со принцот Филип.

Розовата лента на куклата е направена по примерот на одликувањето коешто на кралицата ѝ го подарил  нејзиниот татко Џорџ Шести, а светлосината, поставена под розовата е изработена по примерот на лентата со ликот на нејзиниот дедо Џорџ Петти. На двете ленти се минијатурните портрети на Џорџ Шести и Џорџ Петти.

„Мател“ ја осмислил куклата како дел од колекцијата наречена „Колекцијата почит на Барби“ (Barbie’s Tribute Collection), лансирана лани во чест на сите „познати историски личности и визионери кои имаат огромно влијание врз општеството“.

Куклата се продава во специјална кутија инспирирана од стиловите кои преовладуваат во Бакингемската палата, изработена од 3Д украсени рамки и внатрешен дел што прикажува престол со црвен тепих.

На кутијата е врежано логото во форма на грб и ознака за одбележување на годишнината од стапувањето на кралицата на тронот.

 

View this post on Instagram

 

A post shared by Tina Maglio (@maglio_tina)

Кралицата Елизабета го одбележа својот 96-ти роденден со неочекувана фотографија