Поминаа три месеци откако Кевин Костнер се разведе од Кристин Баумгартнен, со која беше во брак речиси 19 години. Пред неколку недели се шпекулираше дека е во врска со актерката Рис Витерспун, што нејзиниот портпарол го демантираше, а сега се засилуваат гласините дека го освоила славната пејачка Џул Килчер, пишува „Пипл“.

Кевин Костнер (68) неодамна бил виден на Карибите со пејачката Џул Килчер, која е 19 години помлада од него. Тие пред неколку дена ја посетиле егзотичната дестинација поради хуманитарната акција на организацијата „Inspiring Children Foundation“ која ја основала пејачката. Актерот бил гостин на настанот.

Џул на социјалните мрежи го спомна Кевин Костнер.

„Неверојатно време, а јас го користам за да се релаксирам, одморам и играм со мојот син! Кевин Костнер беше доволно љубезен да ги менторира нашите деца оваа година“, напиша таа.

Костнер неодамна се соочи со тежок развод, а актерот има шест деца од два брака. Пејачката со која сега го поврзуваат се разведе од Тај Мареј во 2014 година.