Омилените „ангели“ на брендот „Викторијас сикрет“, бразилската манекенка Адриана Лима и нејзината долгогодишна партнерка од модните писти Кендис Свонепул, повторно го привлекоа вниманието со нова заедничка кампања, покажувајќи дека и денес изгледаат подеднакво импресивно.

Во најновата рекламна кампања на брендот, двете манекенки позираат во долна облека дизајнирана да биде удобна, комбинирана со високи црни чизми на потпетица и распуштена коса, создавајќи препознатлив моден изглед.

„Продолжувањето на ова партнерство со Викторијас сикрет за мене има посебно значење“, изјавила 37-годишната Свонепул за британските медиуми.

Овој иконски моден тандем, како што често ги нарекуваат, во изминатите две децении беше заштитен знак на речиси секоја ревија на брендот. Нивната долготрајна соработка и денес ги воодушевува обожавателите, особено по враќањето на познатото модно шоу и повторното приклучување на Лима кон брендот, откако претходно најави повлекување од пистата.

Адријана Лима првпат прошета на модната писта во 1999 година, кога имаше само 17 години, а веќе следната година стана „ангел“ на брендот. Кендис Свонепул пак ја доби истата титула во 2010 година, со што започна една од најпрепознатливите модни приказни на Викторијас сикрет.