Хали Бери се најде на насловната страница на списанието „Кат“ (The Cut) и слободно може да се каже дека овој едиторијал ги воодушеви модните фанови. Како што може да се види, славната актерка позираше во смели, дури и провокативни комбинации кои привлекуваат погледи и воздишки.

Освен модниот дел, многу интересен беше и самото интервју што Хали Бери го даде за списанието. Таа зборуваше за својата актерска кариера, но и за приватниот живот, објаснувајќи го својот став за бракот и зошто не ѝ е приоритет да застане пред олтар со Ван Хант.

„Не сум рекла ‘да’,не мислам дека мора да бидеме во брак за да имаме значајна и исполнета врска. Не знам дали некогаш ќе се венчаме“, изјави 59-годишната актерка.

Иако не посакува брак, неодамна призна дека врската со Ван Хант е нешто посебно за неа. Како што откри, била во целибат четири години пред тој да се појави во нејзиниот живот.

„Морав да поминам низ оган и целосно да изгорам за да дојдам до точка во која навистина можам да ја ценам другата личност“, искрено изјави таа.

Оскарот не ѝ помогнал во животот

Во интервјуто, Хали Бери се присети и на моментот кога го освои Оскарот за најдобра актерка за улогата во филмот „Monster’s Ball“.

Таа истакна дека, и покрај престижната награда, не почувствувала значителна промена во филмската индустрија. И понатаму, како што вели, се соочувала со предрасуди кон жените во филмот.