ФОТО | Ема Робертс се омажи, меѓу гостите и нејзината славна тетка Џулија Робертс
Актерите Ема Робертс (35) и Коди Џон се венчаа во саботата во Сан Вали, Ајдахо, по четири години врска, а церемонијата се одржа во кругот на блиски пријатели и семејство, објави „Пејџ сикс“.
Препорачано
Ема носела лелеава венчаница од бел шифон со висок шлиц со потпис на Моник Лилие, пишува „Вог“, која ја искомбинирала со проѕирен шал и долг бел вел. Невестата подоцна носела и ретро фустан од истата модна дизајнерка за забавата по венчавката. Младоженецот Џон избрал црн смокинг.
View this post on Instagram
Меѓу гостите на свадбата била и тетката на Ема, актерката Џулија Робертс, заедно со својот сопруг, камерманот Даниел Модер. Ѕвездата на „Убава жена“, која има 58 години, беше фотографирана меѓу бројните гости на церемонијата на отворено. Таа седела во вториот ред и покрај високите температури носела долг фустан со сино-бели точки и долги ракави.
Според информациите од изворот, церемонијата траела околу 45 минути, а „Пејџ сикс“ објави пред свадбата дека двојката ќе се венча овој викенд на приватниот имот на Коди Џон, што го потврдија три извори.
Парот ја објави свршувачката во јули 2024 година. Робертс потоа сподели фотографија на Инстаграм на која го покажува свршувачкиот прстен додека го прегрнува Џон.
„Го објавувам ова пред мајка ми на сите да им раскаже“, напиша тогаш Ема во описот на фотографиите.
View this post on Instagram
Медиумите првпат ги поврзаа во август 2022 година, откако Џон објави нивна заедничка фотографија. Набргу потоа, порталот „Е!Њуз“ објави дека парот „не брза со врската“ и дека ги запознале заеднички пријатели од филмската индустрија.
„На Ема ѝ се допаѓа карактерот на Коди. Тој е многу забавен и тие добро се забавуваат заедно“, рекол тогаш извор за медиумите.
Робертс од тригодишната врска со актерот Гарет Хедлунд, која заврши кон крајот на 2021 година, има син, Роудс, роден во декември 2020 година. Тој наводно бил причината зошто била претпазлива на почетокот на врската со Џон.
„Ема внимава кого ќе запознае со својот син, но е свесна дека тој момент ќе дојде“, објаснил изворот во тоа време.
ФОТО | Ема Робертс објави убава вест: „Ви го споделувам ова пред мајка ми да им каже на сите“
