Бројни славни ѕвезди беа присутни на забавата по доделувањето на наградите БАФТА, организирана од британското издание на „Вог“.

На црвениот тепих особено се истакна манекенката Роузи Хантингтон-Вајтли, која со провокативен моден изглед ја покажа својата беспрекорна фигура.

Манекенката носеше црн трико со крзно и црни хулахопки, со што не само што ја истакна својата завидна линија, туку и долгите нозе. Комбинацијата ја надополни со црни штикли и минималистички накит.

Хантингтон-Вајтли, која неодамна се врати на модната писта по десетгодишна пауза, избра едноставна, но ефектна шминка и трендовска фризура што моментално е хит меѓу жените.

На забавата беа присутни и Алекс Чанг, Мадлен Брјуер, Синтија Ериво, Ванеса Кирби и многу други.

Да потсетиме, Хантингтон-Вајтливеќе 16 години е во врска со познатиот актер Џејсон Статам, со кого имаат две деца. Двојката се вери во 2016 година, а иако се зедно речиси една деценија, не брзаат со венчавката. Според извори за „Дејли мејл“, нивната љубов и семејна хармонија се инспирација за пријателите, а иако свадбата е нешто што го планираат, за нив не е приоритет.

БАФТА 2025: „Конклава“ и „Бруталистот“ триумфираа на британските филмски награди