Шокантните фотографии од рендген на белите дробови на двајцата пациенти покажуваат каква разлика навистина прават вакцините. Фотографиите го покажуваат ефектот на вирусот врз белите дробови на пациентите со ковид-19, но едниот пациент е вакциниран додека другиот не.

– Единствени луѓе кои многу се разболуваат се невакцинирани лица – изјави шефот на персоналот во Медицинскиот центар „Deer Valley“, д-р Сем Дурани и додал дека невакцинираните луѓе често мора да бидат на механичка вентилација или на кислород, наведува британски „Сан“.

– Скеновите на белите дробови на вакцинираниот пациент со ковид-19 покажуваат поголем проток на воздухот, при што поголемиот дел од белите дробови се обоени во црно, што значи дека нема оштетувања или тоа оштетување е мало. Од друга страна, рендгенот на невакцинираната личност покажува дека белите дробови се закрчени, што го ограничува протокот на кислород во целото тело – рекол д-р Дурани.

When you make medical decisions

You can listen to an NBA player who believes the earth is flat.

You can listen to the host of fear factor who used to make people eat bugs for money

You can listen to politicians 🙄

Or you can listen to your doctors👇🏽https://t.co/az1mGVZtsC

— Sam Durrani, MD (@sweetdoodmd) October 25, 2021

– Вакцините штитат од потешки форми на болеста и смртност кај повеќето луѓе кои се заразуваат со коронавирусот. Дури и кај пробивните инфекции кои завршуваат со пневмонија, нивните КТ скенови и понатаму не беа толку лоши како оние на невакцинираните пациенти. – објаснил тој.

Податоците од Центрите за контрола и превенција на болести на САД (ЦДЦ) покажуваат дека ризикот од смрт од ковид-19 е 11 пати поголем кај невакцинираните возрасни луѓе отколку кај вакцинираните. Смртта на целосно вакцинирани лица сочинува 1 отсто од вкупните смртни случаи од ковид-19 во Англија.

„Вакцината дејствува исклучително добро и спречува вирусот да напредува до воспаление на белите дробови (пневмонија) или да се инфилтрира во белите дробови“, утврдил д-р Дурани.

Вакцините можат да спречат тешки болести и смрт кај повеќето луѓе, но за жал, нема да функционираат кај некои.

Тоа значи дека луѓето со двојноидози можат да завршат во болница со ковид-инфицирани бели дробови, но на драстично пониско ниво во споредба со оние без никаква заштита од вакцините.