Поп-иконата Бритни Спирс, која во раните 2000-ти години доминираше на светската музичка сцена, објави дека повеќе нема да настапува во САД. Четириесет и четиригодишната пејачка, која уште од детството беше изложена на големо медиумско внимание, години наназад отворено зборува за притисокот на славата.

Сега, преку својот Инстаграм, таа откри дека донела важна одлука за својата музичка кариера.

Во една од своите објави, Бритни сподели фотографија на која седи пред бело пијано и откри дека планира да го подари на еден од своите синови.

„Го испраќам ова пијано на мојот син оваа година. Забавно е, танцувам на Инстаграм за да ги исцелам работите за кои луѓето немаат поим“, напиша таа. „Да, понекогаш е непријатно … но преживеав пекол за да го спасам својот живот …“

 

View this post on Instagram

 

A post shared by Britney Spears (@britneyspears)

Потоа следеше порака која ја одушеви нејзината публика:

„Никогаш повеќе нема да настапувам во САД по многу чувствителни причини, но се надевам дека наскоро ќе седам на стол со црвена роза во косата, настапувајќи со мојот син … во Обединетото Кралство и Австралија.“

Иако Бритни не појасни на кој син, 20-годишниот Престон или 19-годишниот Џејден, кои ги има со поранешниот сопруг Кевин Федерлајн ќе го подари пијаното, од претходните објави  може да се забележи дека станува збор за помладиот Џејден. Во март минатата година, Бритни го нарече „гениј“ откако објави видео на кое Џејден свири пијано.

„Одушевена сум“, напиша таа тогаш. „Не можам да верувам дека е мој! Искрено се плашев дека не е нормално!“