ФОТО | Бела и Џиџи Хадид изненадија со избричени глави на ревија, обожавателите: Ова е болно
Супер моделите Бела и Џиџи Хадид беа дел од ревијата на Марк Џејкобс за есента 2022 година во вторникот, пишува Си-ен-ен.
Футуристичкиот стајлинг беше дел од шоуто на Марк Џејкобс есен 2022 година, на кое истоимениот бренд на дизајнерот откри над 40 нови изгледи во Јавната библиотека во Њујорк. Џиџи моделираше огромен розов џемпер и сиво здолниште, додека Бела беше облечена во црн фустан со оперски ракавици.
Сестрите на ревијата се појавија со делумно избричени глави и целосно изветвени веѓи. Нивниот изглед не воодушеви многумина и добија критики на социјалните мрежи.
View this post on Instagram
„Те сакам, но што е ова?“, „Што се случи со твојата коса?“, „Изгледаш болно?“, „Кажи ми дека ова е шега“, „Хорор“, рекоа следбениците на Бела на „Инстаграм“.
Џиџи на својот профил објави и фотографии од шоуто.
View this post on Instagram
„Болна“, „Извини, но не ти одговара“, „Ау, не“, „Се надевам дека ова е лажно“, беа коментарите под нејзината објава.
Сепак, повеќето следбеници претпоставуваат дека се работи за перики и дека познатите манекенки навистина не ги избричиле главите.
Но, драматичната трансформација на сестрите набрзо беше откриено дека е дело на уметници за протетика, кои го промениле својот изглед со помош на ќелави капи, перики и шминка.