Според австриските медиуми во првите трки од сезоната во „најбрзиот циркус на светот“ ќе бидат спроведени 10.000 илјади тестови за коронавирус.

Како што е најавено, првите трки во Формула 1 шампионатот ќе се одржат на 5 и 12 јули на патеката во Шпилберг во Австрија. Примероците ќе се земаат двапати на ден, а лабораторијата што ќе ги изврши тестовите ќе работи 24 часа на ден.

Резултатите ќе бидат достапни 16 до 24 часа по тестирањето. Само 3.000 луѓе ќе можат да влезат на трибините и сите ќе треба да имаат негативен тест за коронавирусот, не постар од четири дена.

Организаторите добија дозвола за одржување на трките, откако пред властите беше презентиран предлогот мерки против ширење на вирусот „Ковид-19“.

Распоредот на Формула 1 сè уште не е официјално потврден, а по двете трки во Австрија, исто толку би требало да се организираат и во Велика Британија во втората половина на јули.