Фон дер Лајен: Северна Македонија припаѓа во ЕУ
Претседателката на Европската Комисија, Урсула фон дер Лајен го поздрави поднесувањето на уставните амандмани од страна на Владата во Парламентот. На социјалната мрежа Икс, Фон дер Лајен изрази надеж дека сите политички партии ќе ги поддржат уставните измени и државата ќе се придвижи напред на европскиот пат.
Северна Македонија припаѓа во ЕУ – напиша претседателката на ЕК.
Good exchange with PM @DKovachevski.
I welcomed his government’s tabling of the Constitutional amendments in Parliament. I hope all parties will support it, to move forward on North Macedonia’s European path.
North Macedonia belongs in the EU. pic.twitter.com/pH2LMcjZCO
— Ursula von der Leyen (@vonderleyen) August 21, 2023
Во интервју за МИА, премиерот Ковачевски соопшти дека вчера во Атина каде учествува на неформалната вечера посветена на 20-годишнината од Солунската агенда, се сретнал со претседателката на Европската Комисија Урсула фон дер Лајен. Во фокус на средбата биле европската перспектива на државата, но и регионални прашања.
За уставните измени коишто веќе се наоѓаат во собраниска процедура, Ковачевски рече дека и двајцата изразиле задоволство што е започнат процесот.
-Процесот започна успешно и се надевам, исто како што и ЕУ се надева, дека во нашето Собрание ќе има визија и ќе има храброст пратениците да донесат една важна одлука која што се однесува на продолжување на европската интеграција на Северна Македонија во Европската Унија, објасни Ковачевски.
