Ферстапен најдобар на 70 роденден на Формула 1 (ВИДЕО)
Возачот на Ред Бул, Макс Ферстапен беше најдобар на Големата награда на Велика Британија, петта трка оваа сезона во Формула 1 шампионатот.
Младиот Холанѓанецот на „Силверстон“ ја прекина низата од четири победи на возачите на Мерцедес од почетокот на сезоната, а воедно дојде до деветтиот триумф во кариерата.
Второто место го освои Луис Хамилтон од Мерцедес, а неговиот тимски колега Валтери Ботас заврши на третата позиција. Бодови освоија и возачите пласирани од 4-10. место: Леклер, Албон, Строл, Хулкенберг, Окон, Норис и Квајт.
Career win No. 9️⃣ for @Max33Verstappen ?#F170 ?? #F1 pic.twitter.com/Fk3YEb5PtC
— Formula 1 (@F1) August 9, 2020
Британецот благодарение на тој пласман го израмни рекордот на Михаел Шумахер по бројот на подиуми, откако сега двајцата имаат по 155.
Ред Бул на легендарната патека, која пред 70 години беше домаќин на првата трка во историјата, што е и прославено овој викенд, целосно тактички го надмудри Мерцедес.
A first win of 2020 for @Max33Verstappen ! ?#F170 ?? #F1 pic.twitter.com/PvFu3f4T5z
— Formula 1 (@F1) August 9, 2020
Во генералниот пласман и натаму убедливо води Хамилтон со 107 бодови, 30 повеќе од Ферстапен, а на третата позиција е Ботас (73). Кај конструкторите лидер е Мерцедес со 180 бодови, пред Ред Бул Рејсинг-Хонда (113), а трет е Мекларен-Рено (53).
Сезоната продолжува веќе наредниот викенд со ГН Шпанија на патеката „Каталуња“.