Ферстапен ја освои „Сузука“ и ја одбрани титулата светски шампион во Формула 1
Холанѓанецот Макс Ферстапен е победник на трката за Големата награда на Јапонија, возена во дождлив ден на патеката „Сузука“, која по некои дискутабилни одлуки на управата на трката и математички му ја донесе титулата светски шампион во Формула 1.
Ова беше 12 победа за него сезонава, 32 во кариерата, втора титула по ред, а до крајот на шампионатот остануват уште четири трки во САД, Мексико, Бразил и Обединетите Арапски Емирати.
Поради неповолните временски услови, трката беше одложена, со извозени 40 круга, а оттаму се чинеше дека нема да има ниту целосно бодовно салдо за најдобрите. Но, тоа правило важи само за трки кои не можат да се завршат, што автоматски му ја додели титулата светски шампион на Ферстапен.
Серхио Перес на целта стигна како втор, а Шарл Леклер трет, иако пилотот на Ферари имаше подобра позиција од конкурентите од Ред Бул, но, поради недозволено влегување во шиканата беше казнет со пет секунди и го загуби своето место.
MAX VERSTAPPEN
TWO-TIME WORLD CHAMPION!!!#2TheMax #F1 pic.twitter.com/eOlI6B6un1
— Formula 1 (@F1) October 9, 2022
The greats 👑#F1 pic.twitter.com/gX006FGpwL
— Formula 1 (@F1) October 9, 2022
Во генералниот пласман Ферстапен има 113 поени повеќе од второпласораните Перес, а бидејќи на преостанатите четири трки има 112 поени, јасно е дека никој не може да му се закани на лидерската позиција.
Рекордери по бројот на титули се Михаел Шумахер и Луис Хамилтон со по седум.
ВИДЕО | Катастрофа во Формула 1: Возачот Гасли можеше да загине поради трактор