Македонскиот таеквондо клуб Феникс-Кик учествуваше на силниот меѓународен натпревар во Ниш, Србија, „Феникс Опен“. На овој турнир имаше околу 500 натпреварувачи од шест земји.

Феникс-Кик во својот прв натпревар оваа сезона настапи со вкупно 13 таеквондисти и успеа да освои 11 медали. Со злато во своите категории се закитија Стефан Димовски, Димитриј Василевски, Калин Трпковски, Дамјан Вадилевски, Даријан Симоновски и Илина Гулабовска.

Потоа, сребрени медали имаат Мартина Наумовска и Михаела Канзурова, додека бронза Горјан Јанкуловски, Антонио Негријовски и Ева Гулабовска.

Под водство на тренерот Иван Крстевски одлични резултати имаат и членовите на Таеквондо клубот „Бутел“ кои се враќаат од Ниш со два златни, еден сребрен и осум бронзени медали.

Ведрана Тунески освои злато со три победи од кои две со прекин (технички нокаут). Воедно беше прогласена за најдобар пионер на меѓународниот турнир.