Федерер е најпопуларен, но Ѓоковиќ ќе биде најдобар тенисер на сите времиња

За Федерер е исклучително тоа што го направи Ѓоковиќ во 2021 година/Фото: EPA-EFE/Laurence Griffiths

Поранешниот британски тенисер, Тим Хенман смета дека Новак Ѓоковиќ има историска шанса да триумфира на УС Опен и така да го комплетира календарскиот грен слем.
Хенман во анализата за Амазон Прајм пред УС Опен ги спореди Новак Ѓоковиќ и Рожер Федерер и нивното влијание и тоа колку му значат на тенисот.

– Имате две различни приказни. Кога се зборува за тоа кој е најдобриот тенисер во историјата тука доаѓаме до бројките и Ѓоковиќ ќе ја добие таа трка. Но, доколку се зборува за влијанието и популарноста тогаш тоа е едносмерна улица и нема сомнежи дека Федерер е најпопуларниот тенисер кој некогаш го играл овој спорт – смета Хенман.

Британецот смета дека УС Опен кој започнува в понеделник ќе биде историски за Новак Ѓоковиќ.
– Доколку Новак дојде до 21. грен слем титула, ќе мора да кажете дека тој води во дебатата за тоа кој е најдобриот на сите времиња, а на тоа ќе мора да го додадете и календарскиот грен слем со што ќе го издигне на едно ново ниво. Тогаш Новак би бил најдобар тенисер на сите времиња, и токму тоа  покажува колкав е влогот за него на УС Опен и што ќе му донесе триумфот во Њујорк.

Хенман исто така нема дилеми дека големата тројка полека ја губи силата, Федерер и Надал поради повреди не играат и почнаа да паѓаат на ранг листата, но Ѓоковиќ засега одлично се држи во борбата со младата генерација на тенисери.

– Таа тројка надмина се во овој спорт. Турнирот во Њујорк нема да биде турнир накој Ѓоковиќ ќе игра против сите, туку Новак ќе игра против сите и историјата. Тоа што ги освои првите три грен слем турнири оваа година е неверојатно. Проблемот кој го имаше минатата година кога беше дисквалификуван на УС Опен како и поразот во Токио мислам дека сега ќе му помогнат. Ќе биде пофокусиран и чувствувам дека и среќата ќе го послужи. Ќе биде неверојатно да се победи Новак во три сета. Одлично е за тенисот што некој како него има можност да УС Опен да испише историја – додава Хенман.

Видео на денот