Владата на Федерацијата Босна и Херцеговина одобри повеќе од 1,5 милиони евра за Радиотелевизија Херцег-Босна од Мостар за подобрување на продукцијата и зајакнување на студиските центри во Херцеговина, централна Босна и Босанска Посавина, за што денеска во Мостар беше потпишан договор.

Сојузната министерка за транспорт и врски на Федерацијата Босна и Херцеговина, Андријана Катиќ, и директорката на РТВ Херцег-Босна, Славица Карачиќ, потпишаа договор за поддршка на работата и развојот на овој најголем јавен РТВ сервис на хрватски јазик во Босна и Херцеговина.

Повеќе од 1,5 милиони евра ќе бидат искористени за модернизација на продукциските и техничките капацитети, вклучително и преминот кон систем за емитување со висока дефиниција и зајакнување на студиските центри во Мостар, Кисељак и Орашје.

Според соопштението на Сојузното министерство за транспорт и врски, средствата се доделени преку програмата „Подобрување на активностите на РТВ“. Во последните три години, за РТВ Херцег-Босна се издвоени повеќе од 3 милиони евра од буџетот на Федерацијата Босна и Херцеговина.

РТВ Херцег-Босна е единствениот јавен РТВ сервис во Босна и Херцеговина кој емитува програми на хрватски јазик. Основан е од жупании, општини и градови каде што Хрватите се мнозинско население.