Еве кое овошје треба да пробате да го јадете пред вежбање
Без оглед на вашиот избор за секојдневни вежби, без разлика дали станува збор за пешачење, трчање или обични гимнастички вежби по дома, вежбањето може да ве исцрпи, особено ако не сте расположени да го правите тоа.
Но, токму затоа треба да „осигурите“ енергија пред да започнете да се „потите“. Една особено здрава овошна закусна што може да ви помогне се бананите!
„Средна банана е богата со хранливи состојки, обезбедува 24 грама јаглени хидрати, од кои 14 грама шеќер и природни влакна“, изјави нутриционистката Кели Џонс.
Природните влакна во бананите, заедно со протеини, го чуваат остатокот од јаглени хидрати да не се апсорбираат премногу брзо. Но не само тоа, тие се богати со јаглени хидрати и калиум, што ќе ве подготви за успешен тренинг.
Еве зошто е важно да јадете правилно пред да вежбате
„Што и да јадете пред вежбање, било тоа да е банана или тост, тоа ќе делува како стимулатор. Тоа ќе ја подобри вашата ефикасност и ќе ги мобилизира маснотиите… Покрај многубројните витамини и минерали, и бананите се одлични засилувачи на варењето на храната. Тоа ќе ви помогне да започнете со тренингот“, вели нутриционистката д-р Ању Суд.
Не обожавате банани? Исто така може да јадете овес или цели зрна. Целите житарки се сложени јаглехидрати кои обезбедуваат многу енергија.
Јаглехидратите побавно се ослободуваат во крвотокот, така што нема да имате „скок“ на шеќерот во крвта и да се „срушите“. Јогуртот во комнинација со овошје е исто така здрава опција која ќе ви даде доволно енергија.