Актерката Блејк Лајвли ја подигна цената во правната битка со својот колега Џастин Балдони, тврдејќи дека нејзината репутација е сериозно оштетена поради негативните коментари во јавноста. Според новите судски документи до кои дојде „ТМЗ“, ѕвездата на „Озборувачка“ верува дека етикетите како „злобна девојка“ (mean girl) и „насилник“ директно влијаеле на нејзините приходи.

Лајвли бара вкупна отштета од неверојатни 161 милиони долари од компанијата на Балдони. Оваа сума вклучува 56 милиони долари за изгубена заработка, 49 милиони загуби за нејзиниот бренд за нега на коса и 22 милиони за компанијата за пијалаци „Betty Buzz“.

Актерката ангажирала експерт кој утврдил дека имало над 176 милиони негативни импресии на интернет, што според неа, предизвикало штета на нејзиниот углед во вредност до 40,5 милиони долари.

Додека тимот на Балдони ги отфрла овие бројки како нереални, на социјалните мрежи и на Инстаграм постојано се дебатира за нејзиното однесување за време на снимањето и промоцијата на филмот „Ова ззавршува со нас“. Судскиот процес е закажан за 18 мај во Њујорк, кога двете страни ќе се соочат пред судот за да ги докажат своите тврдења.