Ферментираната храна во последно време е многу актуелна поради нејзините неверојатни здравствени придобивки, особено кога станува збор за зајакнување на вашиот метаболизам и помагање за слабеење.

Додавањето на овие намирници во нашата исхрана навистина може да го подобри нашето варење и начинот на кој нашето тело ги апсорбира хранливите материи. Диететичарката Мишел Саари ја откри најдобрата ферментирана храна која може да ни помогне да изгубиме неколку килограми побрзо и да го зајакнеме метаболизмот, пишува „Ши фајндс“.

Јогурт

Јогуртот е богат со пробиотици, корисни бактерии кои промовираат здрав цревен микробиом. Урамнотежениот микробиом на цревата може да го подобри варењето, апсорпцијата на хранливи материи и да го поддржи метаболичкото здравје, а сето тоа може да придонесе за губење на тежината.

„Јогуртот е одличен извор на пробиотици. Тој е исто така богат со протеини, кои помагаат да останете сити. Плус, јогуртот обезбедува калциум, кој е неопходен за здравјето на коските и е поврзан со подобрување на здравјето на дигестивниот систем и помал ризик од дијабетес тип 2. “, рекла Саари.

Кефир

Кефирот е полн со пробиотици кои помагаат да се одржи здравјето на цревата и да се подобри варењето. Покрај тоа, високата содржина на протеини во кефирот дава чувство на ситост, а неговите витамини и минерали го поддржуваат метаболичкото здравје. Плус, тој е нискокалоричен, што го прави совршен додаток на нашиот план за слабеење.

„Кефирот е полн со пробиотици кои помагаат да се подобри здравјето на цревата преку промовирање на здрава рамнотежа на бактерии во цревниот микробиом. Оваа рамнотежа е клучна за побрзо варење и апсорпција на хранливите материи. Кефирот е исто така богат со протеини, поддржувајќи го одржувањето на мускулите и ситоста, што може биде корисен за слабеење“, истакнала Саари.

Вклучувањето на ферментирана храна, како што се јогурт и кефир, во нашата исхрана може да биде едноставен, но ефикасен начин за зајакнување на метаболизмот и поддршка на губење на тежината.