ЕК внимателно ги следи преговорите на Србија со Русија за Евроазијската економска унија – Слободен печат
ВестиРегион

ЕК внимателно ги следи преговорите на Србија со Русија за Евроазијската економска унија

Европската комисија очекува Белград да се усогласи со надворешната политика на ЕУ, изјави портпаролката на ЕУ, Маја Коцијанчич.

Европската комисија внимателно ги следи преговорите за договорот за слободна трговија меѓу Србија и Русија во Евроазиската економска унија (ЕАЕУ) и очекува Белград да се усогласи со надворешната политика на ЕУ, изјави денеска за „Еурактив” портпаролката на ЕУ, Маја Коцијанчич.

-Се очекува Србија постепено да се усогласи со Заедничката надворешна и безбедносна политика на ЕУ. Ние внимателно ја следиме ситуацијата и ги разгледуваме овие прашања во нашите редовни политички и трговски разговори со српските власти- додаде портпаролката на ЕУ.

Премиерот на Русија, Дмитриј Медведев за време на посетата на Белград го најави потпишувањето на договорот за слободна трговија со Србија и ЕАЕУ на 25 октомври, во Москва, кој треба да биде потпишан од српската премиерка Ана Брнабиќ.

-Договорот со ЕАЕУ, во кој членуваат Русија, Белорусија, Казахстан, Ерменија и Киргистан, ќе и даде на Србија пристап до пазар од 180 милиони потрошувачи- изјави Медведев на пресс конференцијата со српскиот претседател Александар Вучиќ.

Претставник на ЕУ за „Еурактив Србија” и за бриселскиот Еуроактив кажа дека Србија може да склучува договори со други земји или организации пред да стане членка на ЕУ.

-Во контекст на пристапните преговори, Србија се обврза дека на денот на пристапувањето во ЕУ ќе се повлече од сите билатерални трговски договори. Повлекувањето на Србија од договорот за слободна трговија со трети страни не е нов услов, туку општо правило кое важи за сите земји-кандидатки кои сакаат да влезат во ЕУ- рече Коцијанчич.

Таа додаде дека ЕУ е најважниот трговски партнер на Србија затоа што меѓусебната трговија учествува со 63 отсто од вкупната трговија на Србија, со многу добра динамика на раст.

-Трговијата со Русија е помалку од 10 проценти од вкупната надворешно-трговска размена на Србија. Покрај тоа, европските инвестиции во Србија се повеќе од 10 пати поголеми од руските- кажа портпаролката на Европската комисија.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close