Рибата е одличен извор на протеини, масни киселини и хранливи материи, а конзервираните сардини се особено популарни.

Многумина се прашуваат дали конзервираната храна е навистина здрава и хранлива.

Нутриционистката д-р Џес Кординг откри дека, според зборовите на експертите, најздравата конзервирана храна се сардини, но и другите конзервирани риби.

Тие се добар извор на протеини и се многу едноставни бидејќи не бараат долга подготовка или готвење.

Составот на конзервирани сардини

Д-р Кординг објаснила дека користењето конзервирана риба во исхраната има бројни здравствени придобивки.

„Конзервираните сардини обично имаат помалку жива од многу други видови риби и се сметаат за еден од најдобрите избори за морска храна, особено ако свежата не е достапна“, рекла таа.

Кога јадеме сардини, додала д-р Кординг, добиваме многу протеини, витамин Д и антиинфламаторни омега-3 масни киселини, а маслиновото масло обезбедува мононезаситени масти здрави за срцето.

Експертите препорачуваат две до три порции конзервирани риби неделно, измешана со тестенини или сами, а можете да ги додадете и во разни салати, пишува „Мајнд боди грин“ (Mind Body Green).