Американската актерка Мери Елизабет Мастрантонио, која ја толкуваше Џина во култниот филм „Лице со лузна“ („Скарфејс“) била снимена како се вози со метро во Њујорк и со својата приземност ги воодушеви луѓето на социјалните мрежи. Таа е сликана во сосема лежерно издание, додека се враќала од шопинг, а на социјалните мрежи веднаш пристигнале и првите реакции.

„Вака се однесува вистинска ѕвезда без комплекси“, „Мери Елизабет Мастрантонио е доказ дека сите славни не се разгалени“, „Поради ова е кралица“, се само дел од реакциите.

Мастрантонио ја почнала кариерата на Бродвеј, како замена во обновената верзија на мјузиклот „Приказна од западната страна“ во 1980 година. Само три години подоцна дебитираше во класичното остварување на режисерот Брајан де Палма, „Скарфејс“ („Лице со лузна“), каде што ја глумеше сестрата на Тони Монтана, главниот лик што го толкуваше Ал Пачино.

Потоа следуваа низа забележителни улоги. Таа се појави во филмот „Бојата на парите“ заедно со Том Круз и Пол Њуман, улога што ѝ донесе номинација за Оскар за најдобра споредна актерка.

Значајна улога имаше и во „Робин Худ, принцот на крадците од 1991 година, покрај Кевин Костнер и Морган Фримен. Меѓу нејзините познати филмови се и „Амбисот“ од 1989 и „Совршената бура“ од 2000 година.