Џенифер Лопез се појави на премиерата на новиот филм „Атлас“ без сопругот
![](https://www.slobodenpecat.mk/wp-content/uploads/2024/05/profimedia-0874996583.jpg)
Џенифер Лопез (54) се појави на премиерата на нејзиниот нов акционен филм „Атлас“ во понеделникот во Лос Анџелес. Таа носеше бел топ без прерамки и црно здолниште до подот. Косата ја врза во пунџа, а аутфитот го комплетираше со сребрен ѓердан украсен со пастелно зелени скапоцени камења.
За разлика од нејзиниот сопруг, Џенифер Лопез на премиерата се појави и со бурма.
Веќе некое време се шушка дека пејачката Џенифер Лопез и нејзиниот сопруг, актерот Бен Афлек се разведуваат.
Неодамна тој во јавноста се појави без бурма и со тоа дополнително ги подгреа гласините. Меѓутоа, во неделата биле снимени како излегуваат заедно, на настапот на детето на Бен.
Фотографите ги фотографирале во автомобилот, а сопружниците се смееле и им мавтале на фотографите.
Џенифер и Бен се венчаа во 2022 година, а претходно беа во врска. Тие почнаа да се забавуваат во раните 2000-ти, а планираа да се венчаат во 2003 година.