Бразилскиот тенисер Жоао Фонсека се пласираше во четвртфиналето на Ролан Гарос откако по четири часа борба успеа да го победи Каспер Руд со 3:1 во сетови.

Фонсека кој во претходното коло го совлада Новак Ѓоковиќ, по голема борба ги доби првите два сета со 7:5 и 7:6 (8) за водство од 2:0, но Руд го доби третиот сет со 7:5 во гемови за неизвесност во мечот. Сепак Фонсека продолжи со одличната игра и го освои четвртиот сет со 6:2 во гемови.

Негов ривал во следната рунда ќе му биде Јакуб Менсик кој успеа да го елиминира Андреј Рублев со 3:2 во сетови по 220 минути игра.