Францускиот претседател Емануел Макрон денеска ја прифати оставката на директорката на музејот Лувр, која беше на мета на критики по кражбата на францускиот кралски накит во тој музеј, објави Ројтерс.

Претседателската канцеларија соопшти дека директорката на Лувр, Лорaнс де Кар, поднела оставка.

Како што се наведува во соопштението, Макрон ја пофалил нејзината одлука да поднесе оставка како чин на одговорност во време кога на најголемиот музеј во светот му се потребни мир и силен нов поттик за спроведување на големи проекти за подобрување на безбедноста, модернизацијата и други иницијативи.

На крадците им биле потребни помалку од осум минути во октомври минатата година да го украдат кралскиот накит во вредност од 88 милиони евра за време на викенд-кражба во најпосетениот музеј во светот, непосредно по отворањето на музејот.

Таа акција го шокираше светот. Полицијата доста брзо успеа да ги уапси крадците, но накитот сè уште не е пронајден.

Нов скандал во „Лувр“: Уапсени 10 лица