Откако снимката од концертот на „Колдплеј“ стана глобално вирална, што резултираше со оставка на извршниот директор на софтверската компанија „Астрономер“, девојката што го снимила сето тоа се огласи и потврди дека не заработила ниту еден цент од тоа.

Грејс Спрингер, посетителка на концертот на „Колдплеј“, случајно ја сними прегратката помеѓу Енди Бајрон, тогашен извршен директор на „Астрономер“, и Кристин Кабот, раководителка на човечки ресурси на компанијата. Двојката беше прикажана како нежно се ниша во прегратка на голем екран над сцената, пред очите на повеќе од 50.000 луѓе.

@instaagraace trouble in paradise?? 👀 #coldplay #boston #coldplayconcert #kisscam #fyp ♬ original sound – grace

Проблемот е во тоа што Бајрон е во брак со Меган Кериган, поради што моментот брзо предизвика непријатност и жестоки реакции на социјалните мрежи. Видеото брзо стана вирално – прегледано е повеќе од 125 милиони пати – а случајот предизвика лавина од коментари за неверство, јавно посрамување и приватност.

Спрингер се појави во британското шоу „This Morning“ на ITV во недела, каде што откри дека снимката, и покрај нејзиниот глобален дострел, не ѝ донела никаква финансиска добивка.

„Всушност, не заработив никакви пари од видеото или од неговите прегледи“, рече таа. „Видеото не е монетизирано.“

@instaagraace me 🤝🏼 humiliating cheating CEO’s #worldsfavoritesnitch #coldplay ♬ LOOK AT THIS – Astro Boyke

Таа додаде дека не размислувала за последиците во времето на снимањето. „Само сакав да се видам себеси на големото платно. Сакам да ги доловувам спонтаните моменти. На почетокот не обрнав многу внимание на тоа, но сите околу мене почнаа да шепотат. На концертот имаше повеќе од 50.000 луѓе, па веднаш стана главна тема на вечерта.“

Виралното видео е прегледано повеќе од 125 милиони пати до денес, а по концертот, вели таа, го гледала повторно видеото со пријателите: „Реков: „Ајде да видиме дали навистина изгледа толку лошо.“ И мислам дека изгледа така.“

Иако сочувствува со сопругата и семејството на Бајрон, таа истакнува дека верува оти некој друг би го објавил видеото доколку таа не го сторела тоа: „Знам дека е тешко за многу луѓе, но не бев единствената со камера. Сигурна сум дека снимката ќе завршеше онлајн во секој случај.“

Зборувајќи за LADbible, таа додаде: „Тешко е да се помине низ нешто вакво, но сите мора да бидеме одговорни за своите постапки. Се надевам дека ова им помага на партнерите да престанат да губат време со луѓе кои не ги почитуваат. Поминав низ слични работи. Имав луѓе околу мене кои знаеја, а не ми кажаа. Жалам што не ми кажаа.“