Дел Пјеро би можел да биде новиот претседател на „Старата дама“!?
Поранешниот капитен на „Старата дама“ е еден од кандидатите за прв човек на клубот од Торино, пренесуваат италијанските медиуми. Според „Месаџеро“, Алесандро Дел Пјеро би можел од следната сезона на функцијата претседател на Јувентус да го замени Андреа Ањели.
Ањели беше еден од основачите на Европската Суперлига, проект кој пропадна само 48 часа по објавувањето, после притисокот од јавноста и навивачите.
Ањели, наводно, нема намера да поднесе оставка во Јувентус, но акционерите предводени од Џон Елкан би можеле да го отпуштат за време на состанокот на 27 мај.
Легендарниот фудбалер на Јувентус, Дел Пјеро не е единствениот кандидат за претседател на „црно-белите“, бидејќи се шпекулира дека во игра се и Алесандро Наси и Марчело Липи.
На почетокот на овој месец, поранешниот напаѓач на „Старата дама“, Давид Трезеге навести дека можно е тој и Дел Пјеро да се вратат во торинскиот клуб. Дел Пјеро моментно работи како консултант за „ЕСПН“.
Зошто не успеа Суперлигата: Ние во Европа израснавме поинаку од Американците