Данска реши да ги бојкотира активностите на Светскиот економски форум (СЕФ) во Давос, во знак на протест поради, како што соопшти, нарушување на нејзиниот суверенитет во врска со прашањето за Гренланд, објави „СЕЕ њуз“.

Данското Министерство за надворешни работи соопшти дека администрацијата на Форумот во Давос испратила официјални покани до претставници и до компании од Гренланд да учествуваат како независен ентитет, што Копенхаген го смета за прекршување на воспоставените меѓународни норми.

Ново сценарио за Гренланд е сè поверојатно – „Тоа е трајна стапица“

Министерството нагласи дека Гренланд е составен дел на Кралството Данска, додавајќи дека ваквите постапки на форумот претставуваат мешање во суверените работи на Данска и дека го поткопуваат меѓународно признатиот принцип на територијален интегритет и државно единство.

Одлуката, според данските власти, ја одразува растечката чувствителност околу прашањето за Гренланд во контекст на пошироките геополитички тензии, особено меѓу европските и американските позиции за Арктикот.

Мерц ќе се сретне со Трамп во Давос за да се избегнат „царински“ ескалации