Будистичкиот духовен водач Далај Лама изјави дека е благодарен за својата прва „Греми“ награда, откако ја освои главната награда за аудиокнига и раскажување приказни.

Харизматичниот 90-годишник, кој живее во егзил во Индија, е пофален низ целиот свет за неговата неуморна кампања за поголема автономија за неговата тибетска татковина, за која Пекинг вели дека е составен дел од Кина. Тој беше прогласен за победник на доделувањето на „Греми“ наградите во Лос Анџелес за неговата аудио книга „Медитации: Размислувања на Неговата Светост Далај Лама“.

– Го прифаќам ова признание со благодарност и понизност. Не го гледам како ништо лично, туку како признание за нашата споделена универзална одговорност – рече тој во објава на социјалните мрежи.

His Holiness the Dalai Lama Receives Grammy Recognition Highlighting Universal Responsibility and Compassion

Grammy Award Best Audiobook Narration – Meditations: The Reflections of His Holiness the Dalai Lama.

I receive this recognition with gratitude and humility. I don’t see… pic.twitter.com/YhK5zlyhem

— Dalai Lama (@DalaiLama) February 2, 2026

Во својата препознатлива облека, едноставни сандали и очила со широки рамки, Далај Лама е невообичаена глобална славна личност.

– Искрено верувам дека мирот, сочувството, грижата за нашата околина и разбирањето на единството на човештвото се неопходни за колективната благосостојба на сите осум милијарди човечки суштества – додаде тој.

„Медитација: Размислувања за Неговата Светост Далај Лама“ ги вклучува и уметниците Руфус Вејнрајт, кој ја прими наградата во име на духовниот водач, и Меги Роџерс.

Доделени музичките награди „Греми“: Бад Бани испиша историја, а Кендрик Ламар e апсолутен победник на вечерта