Д-р Стојановиќ предупредува: Се појави нов симптом на коронавирусот, на кој никој досега не се жалеше
Сè поголем број пациенти со ковид се жалат на болки во грбот, рече д-р Александар Стојановиќ, директор на здравствениот дом „Палилула“, гостувајќи во утринската програма на телевизија „Курир“.
Ситуацијата е таква што мнозинството од заразените со ковид-19 немаат никакви симптоми. Кога ќе се појават првите знаци на вирусот, тие главно се благи и често тестот не ги открива, односно е негативен, а пациентот е всушност позитивен на ковид. Младите се заразуваат на ист начин како и постарите, но нивната клиничка слика е обично поблага од грипот и изгледа како обична настинка, иако не е. Се појавува благо зголемена температура, болка во грлото која трае ден-два. Експертите нè потсетуваат дека е важно да се тестираме, за себе, а и за другите.
На оваа тема за телевизија „Курир“ зборуваше д-р Александар Стојановиќ, директор на здравствениот дом „Палилула“.
– Еден од симптомите е болка во ‘рбетот, речиси секој втор, трет пациент од 40 години па нагоре, нема никакви тегоби и првпат се среќаваме со овие симптоми – рекол д-р Стојановиќ и додал:
– Овој сој е специфичен. Имате болки во ‘рбетот, немате температура, правите тест и позитивни сте. Имаме и заразени бебиња од еден месец, месец и пол. Има и тинејџери, тие тоа го преболуваат на нозе. Симптомите ќе бидат поблаги. Но возрасните се позагрозени – истакнал д-р Стојановиќ.