Циципас елиминиран, Швјонтек лесно до осминафиналето во Мадрид
Грчкиот тенисер Стефанос Циципас денеска не успеа да се пласира во третото коло на Мастерс турнирот во Мадрид, откако загуби од Бразилецот Тиаго Монтеиро со 4:6, 4:6.
Моментално 118 тенисер направи по еден брејк во двата сета и тоа му беше доволно за победа против седмиот на АТП листата по еден час и 37 минути.
Монтеиро во следното коло ќе игра против подобриот од мечот Хамад Маџедовиќ – Јиржи Лехечка.
Пласман во третото коло обезбеди и Американецот Себастијан Корда кој со 6:3, 6:3 беше подобар од Австралиецот Макс Персел. Негов следен ривал ќе биде победникот од дуелот меѓу Данил Медведев и Матео Арналди.
Најдобрата светска тенисерка, Ига Швјонтек од Полска се пласираше во осминафиналето на турнирот во Мадрид, откако со 6:1, 6:1 ја совлада Романката Сорана Кирстеа.
Швјонтек за еден час и 18 минути игра славеше против 30 тенисер во светот. Таа во осминафиналето ќе игра против победничката од мечот меѓу Викторија Азаренка и Сара Сорибес Тормо.