Чудни пораки на ќерката на Марадона и докторот: Татко ми повраќаше и одбива лекари! Тој е добро и бара приватност
Аргентинското јавно обвинителство веднаш по погребот на Диего Марадона покрена истрага за причините за смртта на легендарниот фудбалер, а дел од медиумите дојдоа до преписка која на ВатсАп групата ја имале неговите ќерки Далма и Џанина, неговиот син Диего, психијатарот Агустина Косачов и психологот Карлос Дијаз.
Тема на преписката била здравствената состојба на Диего Марадона откако на 2. ноември беше опериран во клиниката Оливос поради хематом на главата.
Во преписката се гледа дека Далма е загрижена за состојбата на нејзиниот татко по операцијата.
„Само што ме контактираше личноста задолжена за неговото домашно лекување дека татко ми поврати (јадел шкампи со бел лук и броколи) и дека не сака брзата помош да дојде и да го прегледа. Ми рече дека разговарал со Агистин и дека тоа е семејна одлука. Затоа и пишувам, верувам дека постојат работи кои ние роднините не можеме да одлучиме. За такво нешто треба да одлучат лекарот или барем неговиот личен лекар“, напишала Далма.
Пороците кои го уништија Марадона: Не можеше без кокаин, а пред него клечеа кумовите на мафијата
Потоа на 14. ноември Далма повторно го повторила своето барање.
„Леополд Луке е неврохирург, а за тоа што зборуваме е лекар по општа пракса. Со докторот кој го имаме би биле мирни, а тато не би имал толку лекари“.
На нејзината порака одговорила Агустина кој веднаш прашала дали имаат некој колега токсиколог кој можат да го препорачаат.
„Тоа беше само еднаш пред приемот. Дали сакате да предложите некого и како ќе го направите тоа“, прашува Косачов.
Од друга страна, пристигнало уверување од лекарите дека се е во ред со Диего кој сака поголема приватност.
„Разговарам со Макси, ми рече дека ги гледаат снимките на Диего и дека тој е добро. Диего бара поголема приватност“, одговорил Дијаз.
Целата преписка се наоѓа во обвинителството и е предмет на испитување пред покренување на можно обивинение за немарност при лечењето на Диего Марадона.
ВИДЕО: Денот кога Марадона танцуваше со топката на загревање
Последното интервју на Марадона: Не знам дали луѓето и понатаму ќе ме сакаат
Аргентинската полиција со истрага против докторот на Марадона!
Да се наежите – Новозеландскиот Хака танц пред дресот на Марадона (ВИДЕО)