ВИДЕО: Денот кога Марадона танцуваше со топката на загревање
Фудбалската федерација на Аргентина ја потврди смртта на еден од најголемите фудбалери и спортисти на сите времиња.
Веста за смртта на Марадона го потресе фудбалскиот свет, нема личност која барем еднаш не погледнала некоја од неговите мајстории со топката и не се вљуби во неговата „уметност“.
Марадона ќе се памети по многу работи, по мајсториите од Наполи, Барселона или аргентинската репрезентација, по божјата рака, по најубавиот гол на 20 век кога ја помина целата англиска репрезентација и го матира Питер Шилтон, а но и по уште еден момент – неговото загревање пред натпревар.
Засекогаш ќе остане забележано како фудбалскиот уметник се подготвуваше за натпреварот против Баерн Минхен во полуфиналето на Купот на УЕФА во 1989 година. Тогаш Минхен го виде фудбалскиот Бог.
Од разгласот ечеше песната „Love is life“, а Марадона танцуваше со топката.
Да се потсетиме како изгледаше тоа: