Вчера својот роденден го прослави Владимир Четкар, еден од најистакнатите македонски музичари и гитаристи со интернационална кариера. По тој повод, социјалните мрежи беа преплавени со честитки и убави пораки од бројни пријатели, колеги и соработници.

Меѓу честитките се издвои и онаа од нашата позната водителка Снеже Велков, која сподели заедничка фотографија со Четкар и му упати топла и духовита порака: „Среќен роденден, редок примерок на Homo sapiens“.

Покрај честитките за неговата музика и професионален пат, многумина во пораките го истакнаа и неговиот ведар дух, ненаметлив хумор и позитивна енергија, како и харизмата и физичката убавина, поради кои Четкар често со симпатии е нарекуван „лепотан“ на македонската сцена.

Четкар неодамна беше и гостин во поткастот на „Слободен печат“, каде што зборуваше за своето детство, музичките почетоци, животот меѓу Македонија и светската сцена, како и за актуелните проекти.