Бритни Спирс се огласи на социјалните мрежи за да ја открие состојбата на своето физичко и ментално здравје.  Изјавата доаѓа откако нејзиниот поранешен сопруг Кевин Федерлајн, со кого има деца, неодамна проговори за нејзиното минато во своите мемоари.

– Стана невозможно да се преправаме дека сè е во ред. Нешто лошо ќе се случи ако ситуацијата не се промени, а мојот најголем страв е дека нашите синови ќе бидат сериозно погодени – напиша тој во својата книга.

Иако пејачката постојано ги негираше ваквите тврдења, нејзината објава на 20 октомври, заедно со фотографијата на која јава коњ, предизвика нова лавина од реакции, пренесува „Пипл“.

 

View this post on Instagram

 

A post shared by XILA MARIA RIVER RED (@britneyspears)

„Имав трауматично искуство, како што некои од вас знаат, кога немав своја приватна врата четири месеци и бев нелегално принудена да не ги користам нозете или телото за да одам никаде“, напиша Спирс.

Таа додаде дека сè уште не споделила многу детали со јавноста.

– Верувајте ми, не споделив многу во мојата книга и сè уште има работи што ги криев во овој момент бидејќи се неверојатно болни и тажни.

Спирс објасни како се чувствувала во тој период, навраќајќи се на нејзините танцови видеа кои често се предмет на дебата.

– Чувствувам како логиката и свеста во моето тело да беа 100 проценти убиени и уништени, не можев да танцувам или да се движам пет месеци… Како и да е, знам дека моите објави и танцување изгледаа глупаво, но ме потсетија како е да се лета…

Нејзиното признание кулминираше со шокантно тврдење.

– Се чувствувам како да ми се одземени крилјата и како оштетувањето на мозокот да ми се случило одамна, 100 проценти… Секако дека го надминав тој болен период во мојот живот и сум благословена што сум жива.