Британскиот министер за здравство, Мет Хeнкок, изјави дека индискиот сој на вирусот ковид-19, или како што сега го нарекуваат, „делта варијанта“, е за 40% позаразен од британскиот сој.

Тоа е можен причинител за понатамошно продолжување на мерките во Британија, кои имаа во план од 21 Јуни комплетно да ги олабават мерките. Според Гардијан, одлуката за олабавувањето на мерките ќе се донесе до крајот на неделава.

,,Поради делта варијантата сега е многу потешко да се контролира вирусот, но најважно е по двете дози на вакцини да сме безбедни како и од минатиот сој. Добра вест е дека вакцините се подеднакво корисни и за овој вид на вирусот.“ кажа Хeнкок.

Пациент со ваквиот индиски сој беше хоспитализиран во една од нашите приватни болници, кога минатата недела се вратил во државата од Ирак.

Пациент со индиски сој на вирусот ковид-19 е хоспитализиран во наша приватна болница