Кралицата Елизабета Втора, наводно, изразила олеснување што војвотката од Сасекс не присуствувала на погребот на принцот Филип, велејќи: „Му благодарам на Господ што Меган не доаѓа“, тврди авторот на новата книга за неа, Том Бауер.

Како што се наведува во книгата, кралицата им ги кажала на соработниците своите чувства со „јасен глас“ во замокот Виндзор пред погребот на нејзиниот сопруг.

Во извадоците до кои дојде „Тајм“, Бауер го опишал тешкиот однос меѓу војводата од Сасекс и кралското семејство откако парот отиде во САД и почна да ја раскажува својата приказна на телевизија.

За денот на погребот во април минатата година, тој напиша дека единствената неизвесност бил односот помеѓу принцот Хари и неговото семејство.

Меган како причина за останување во САД го навела фактот дека во тоа време била во седмиот месец од бременоста, како што пишува Бауер.

„Во замокот Виндзор, кралицата се подготвуваше да се соочи со јавноста во еден од најтажните денови во нејзиниот живот. Филип беше нејзината карпа во последните 70 години. За да ги почитува ограничувањата поради пандемијата, таа сама тагуваше во капелата“, се наведува во книгата.

– Му благодарам на Господ што Меган не доаѓа – со јасен глас им порача на своите доверливи соработници.

Во тоа време, Меган наводно ја следела службата од дома по совет на своите лекари, но напишала рачно напишана белешка со венец од цвеќе што бил оставен во капелата Свети Џорџ во нејзино и во име на принцот Хари.

На денот на погребот, принцот Хари се појави нервозен додека снимаше интервју за „Ејпл ТВ“ за менталното здравје во кое го критикуваше начинот на кој родителите го воспитувале, а преносот беше одложен поради погребот.

„Седејќи сама и изолирана, тагата на 94-годишната кралица беше скриена зад црната маска “, напишал Бауер.

Како што наведува во книгата, принцот Вилијам изгледал напнато, Кејт  Мидлтон спокојно, принцот Чарлс видно депресивен, а само изразот на лицето на Хари им пркосел на точните извештаи.

Книгата се осврнува и првото интервју на насловната страница на Меган за списанието „Венити фер“, кое беше договорено додека таа глумеше во серијата „Костум“, кога тајно беше свршена со Хари.

Бауер тврди дека нејзиниот тим за односи со јавноста сакал да ја прикаже Меган како активистка, но дека таа се налутила кога го видела насловот на интервјуто „Подивела поради Хари“.

Биографијата со наслов „Одмазда: Меган, Хари и војната меѓу Виндзор“ излегува на 21 јули и ветува дека ќе користи стручни извори и досега невидени интервјуа со инсајдери кои никогаш претходно не разговарале за да ја разоткрие заплетканата мрежа која ги опкружува Меган и Хари и нивниот однос со кралското семејство.

Кралицата Елизабета скршена од тага за принцот Филип: По 70 години, таа укина уште една традиција!

Свечен погреб според неговите последни желби: Принцот Филип ќе биде погребан на 17 април

ФОТО | Се огласи и кралицата Елизабета: „Тој беше моја сила и прибежиште, и јас и нашето семејство, но и оваа земја, му должиме многу“