10 C
Скопје

Бонер: Не знам многу за Хрватска или Германија, но се надевам дека ќе победиме!

По две години „чекање“, одличната кошаркарка од САД, Девана Бонер, конечно во „црвено-жолтиот“ дрес на македонската женска сениорска репрезентација.

Кошаркарката на Конектикат Сан ќе игра за нашата селекција во овој ноемвриски „прозорец“ на ФИБА, односно турнирот кој во текот на оваа седмица ќе се одржи во Рига, Летонија.

Оваа 33 годишна кошаркарка ја има зад себе веројатно и една од најдобрите сезони во својата долга кариера во ВНБА (WNBA) лигата. Важи за трет стрелец во најквалитетната женска кошаркарска лига на светот. Сезоната ја заврши со просек од 19.7 поени по натпревар. Шести „крадец“ е во лигата, затоа што во просек освојува по 1.68 топки по меч, а во исто време и десетти скокач, доколку се знае дека во просек има по 7.8 скока по натпревар.

Прочитајте и...  ВИДЕО I ВАР прави чуда во Премиер лигата: Гледаа погрешен играч и поништија чист гол

Двапати беше прогласувана и за играч на неделата во Источната конференџија на ВНБА лигата во гласањето на сите тренери во оваа конкуренција.

– Сигурно е дека ќе бидам малку заморена. Но, имав неколку тренинзи со тимот, прво во Охрид, сега и тука во Рига, па се надевам дека тоа ќе помогне да бидам подготвена за натпреварите – вели нашиот најсилен адут во овие квалификации.

Кошаркарките во Рига против Хрватска и Германија

Нејзините први впечатоци по доаѓањето во Македонија..

– Ова е првпат да се сретнам со тимот и со тренерите. Но сакам да истакнам дека сите се навистина пријатни и со нетрпение очекувам да дознаам уште повеќе за нив. Девојките се навистина млади! Тие работат навистина напорно и сакаат да бидат подобри и да победат. Среќна сум што сум со нив во тимот – објаснува секогаш расположената Американка.

Прочитајте и...  ПСЖ веќе има листа на имиња кои треба да го заменат Мбапе

Хрватска и Германија се нашите противници во евроквалификациите на турнирот во Рига. Еве ги нејзините очекувања..

– Искрено, не знам многу за Хрватска или Германија. Но се надеваме дека можеме да се натпреваруваме со нив и да победиме – секогаш звучи оптимистички двократната шампионка во ВНБА лигата.

Поврзани вести

Погоди две стативи и една пречка, Нејмар играч на мечот во Париз

Слободен печат

ВИДЕО: Европа ќе има нов шампион, елиминиран Баерн Минхен!

Слободен печат

Македонските надежи забележаа победа во контролниот меч со Црна Гора

Слободен печат

Македонскиот автомобилист Вуков тестираше во Муџело

Слободен печат

ВИДЕО: Олимпискиот комитет финансиски ќе го помага Бошко Стаменковски

Слободен печат

Клоп пред Реал: Не можеме да ја игнорираме одбраната, во спротивно ќе бидеме казнети!

Слободен печат

Остави Коментар