Не треба да има повлекување на Предлог-деталниот урбанистички план за Мал ринг, бидејќи тогаш ќе треба да ја почнеме постапката каде нема да имаме можност да држиме мораториум од шест месеци, односно се што било планирано во претходен или во некој друг план би требало да се гради. Целта на денешната презентација е да се каже што е променето во деталниот урбанистички план. Затоа нашиот повик трае 30 денови заради осетливоста на планот, изјави во „Утрински брифинг“ на „Слободна ТВ“ Саша Богдановиќ, градоначалник на Општина Центар.

-Општина Центар ќе ги отвори сите прашања што се е преземено од наша страна за борба против Скопје 2014. До сега само слушам од институции, поединци, здруженија зборови против Скопје 2014, а досега никој ништо конкретно не преземал. Општина Центар презема одредени чекори и чека одредени завршници. Но, додека не се завршат одредени судски процедури, вие не смеете да чепкате нешто или да поместувате нешто се додека на суд не се заврши ситуацијата.

Планот не е само нешто што го сака поединецот или општината, туку нешто што претставува комплексен дел каде мора да се земат предвид правните аспекти и мислењата на сите инстутуции. Ние како општина токму преку оваа презентација јасно и гласно ќе покаже што е она што го презела изминатиов период, вели Богдановиќ.