„Бета шаркс“ со нови успеси на „Делфин Куп“ – Анастасовска и Тримчевски доминатни во грбно и градно
Викендов на Олимпискиот базен во скопје се одржа традиционалниот пливачки натпревар „Делфин Куп 2019” на кој учествуваа речиси сите македонски пливачки клубови.
ПК „Бета Шаркс“ од Скопје и на овој митинг се закити со медали и успеси.
„Позади нас е уште еден натпревар на кој настапивме со голема бројка на млади пливачишта! Некои со први натпреварувачки настапи, други веќе влезени во натпреварувачкиот процес, а трети со освоени први, втори или трети места, но сите мотивирани, среќни, желни со фер плеј и достоинствено да ги достигнат целите!
Антониј Симоновски освои прво место во севкупна конкуренција – 50м слободно. Сара Анастасовска освои две први места – 50м грбно и 100м грбно, едно второ место 50м делфин и едно трето место 50м слободно. Теодор Тримчевски освои едно прво место- 100м градно и едно второ место – 50м градно. Калина Кузмановска освои второ место – 50м грбно.
Имаме млади пливачи кои за првпат стигнаа до медал и тоа: Матеа Мирчевска -второ место 50м слободно, Ангелина Џугуманова -трето место 50м грбно и Леона Величковска -трето место 50м делфин.
Вистинска радост е бројката на млади пливачи со кои настапивме (повеќе од 70 млади пливачи), но посебно сме горди на техничките способности и вештини кои ги покажуваат овие наши деца уште во првите натпревари од нивните почетоци во натпреварувачката кариера“, информираа од ПК „Бета шарск на својот фејсбук профил.