Бањаја најдобар на трката за Големата награда на Шпанија
Возачот на Дукати, Франческо Бањаја е победник на трката за Големата награда на Шпанија, шеста во сезоната на Мото ГП шампионатот.
Италијанецот водеше од стартот во Херез, а триумфираше со нешто помалку од три десетинки предност пред официјалниот шампион Фабио Квартараро.
Подиумот го комплетираше Алеш Еспаргаро на „Априлија“ на третата позиција.
Осумкратниот светски шампион Марк Маркез беше четврти, Џек Милер петти, а Џоан Мир шести…
Квартараро е на првата позиција во генералниот пласман со 89 бодови, седум повеќе од Еспаргаро.
Следната трка од Мото ГП шампионатот ќе се вози на 15 мај за Големата награда на Франција во Ле Ман.