Градоначалничката на Град Скопје Данела Арсовска почна постапка за враќање на споменикот на Андон Лазов-Ќосето пред комплексот судови во Скопје, објави СДК. Споменикот беше отсранет во февруари 2018 година по налог на тогашниот градоначлник Петре Шилегов, бидејќи бил дивоградба. Шилегов тогаш кажа дека градежниот инспекторат на Општина Центар извршил увид на фактичката состојба и утврдил дека инвеститорот Град Скопје нема решение за поставување на овој споменик.

Сега градоначалничката Арсовска повторно сака да го врати споменикот на контроверзниот Андон Лазов-Ќосето (1855-1953), прикажан со кама в рака, познат во историјата како ликвидатор на ВМРО. Таа доставила барање до Општина Центар да се даде согласност  за постапката согласно која би почнала процедурата за враќање на споменикот на истата локација.