Македонскиот репрезентативен голман се најде на списокот играчи кај менаџерот Микел Артета за новата сезона во второто по квалитет европско клупско натпреварување.

Дејан Илиев е меѓу четирите голмански имиња на Арсенал пријавени за натпреварите во Лига Европа, сезона 2020/21.

Прва опција се очекува да биде Бернд Лено, следуваат новото засилување Рунар Рунаросон, Мет Мејси и Џејмс Хилсон.

Во составот не се најде еден од најискусните играчи во екипата, германскиот интернационалец Месут Озил кој нема меч од март годинава за „топчиите“.

Потсетување дека премиерлигашот ќе игра во групата „Б“ со Рапид Виена (Австрија), Молде (Норвешка) и Дандалк (Р. Ирска).

Составот на Арсенал за натпреварите во Лига Европа: Лено, Рунарсон, Мејси, Хилсон, Илиев, Белерин, Габриел, Холдинг, Соареш, Мустафи, Чемберс, Мари, Луиз, Колашинац, Тирни, Себаљос, Вилијан, Мејтленд-Нилс, Парти, Елнени, Џака, Лаказет, Обамејанг и Пепе.