Иранскиот министер за надворешни работи, Абас Аракчи, ги повика странските влади, особено соседните земји, јасно да ги искажат своите ставови за она што тој го нарече американско-израелска агресивна војна против Иран.

„Стотици ирански цивили се убиени во израелско-американските бомбардирања, вклучувајќи повеќе од 200 деца“, напиша Аракчи на платформата X, објави Тасним.

Тој рече дека извештаите укажуваат дека некои соседни земји кои се „домаќини“ на американските бази и војска и ги олеснуваат нападите врз Иран, исто така активно стојат зад овој „масакр“.

„Позициите мора итно да се разјаснат“, нагласи иранскиот министер за надворешни работи.

САД и Израел започнаа воена операција против Иран на 28 февруари, напаѓајќи голем број цели, вклучувајќи го и Техеран.

Иранската Исламска револуционерна гарда возврати со напади врз цели во Израел, како и врз американски објекти во Бахреин, Јордан, Катар, Кувајт, ОАЕ и Саудиска Арабија.

Врховниот лидер на Иран, Али Хамнеи, беше убиен во конфликтот, а Собранието на експерти на Иран подоцна го избра неговиот син, Моџтаба Хамнеи, за нов врховен лидер.